Rusiye Yuqarı mahkemesi "Sarı şerit" areketinen işbirlikte qabaatlanğan Qırım sakini Kseniya Svetlişinanıñ davasını ğayrıdan baqıp, onı daa ağır cinayet — devlet hainligi ile qabaatlamaq istey. Şimdiki vaqıtta o, "vandallıq" ve "çetel teşkilâtınen gizli işbirlik" içün beş yıl ve üç ay cezahanede qalmasına üküm etildi. Bu aqta "Qırım esnası" öz menbalarına atıf etip bildire.
İlk yaz ayınıñ 8-nde RF Yuqarı mahkemesinde keçirilgen еуьнэя oturışштda qadınnı aqlamadılar, aksine, işni Qırımnıñ Rusiye mahkemesine tekrar baqılmasına qaytarmağa qarar aldılar, anda onı daa ağır cinayet ile qabaatlay bileler. Söz "devlet hainligi" aqqındadır, Rusiye Federatsiyasında böyle areketler on eki yıldan yigirmi yılğa qadar azatlıqtan marum etüvnen cezalana, dep tüşüne teşebbüsniñ ekspertleri.
"Qırım esnası" eki menbadan alğan resmiy olmağan malümatqa köre, Rusiye Yuqarı mahkemesi Svetlişinanıñ davasını birinci instantsiyada yañıdan baqmaq içün qaytarmağa qarar berdi, çünki kerçek vaziyet areketlerni daa ağır cinayet olaraq tanıtmaq içün sebepler bar olğanını köstere", — dep aytıla haberde.
"Qırım esnasınıñ" ekspertleri qayd etkenine köre, Rusiye mahkemesi Rusiye Ceza kodeksiniñ 275.1 maddesini yetersiz dep sayıp, cezası üç qat sert olğan Rusiye Ceza kodeksiniñ 275 maddesine deñiştirmege talap etken ilk adise degil, amma bu dava — Qırım davaları içün bir presedent, anda mahkemeniñ temyiz basamağı ükümni sertleştirmege teşebbüs ete.
