Rusiye mahkemesi, raketa darbelerini endirmek içün kritik infrastruktura obyektleri aqqında malümat bergen işğal etilgen Qırım sakinini 13 yılğa üküm etti. Bu aqta TASS yaza.
Qayd etilgenine köre, mahküm etilgen ukrayin istihbaratınıñ vekili ile bağ qurıp, oña yarımadanıñ kritik infrastruktura obyektleriniñ vaziyeti aqqında malümat bere edi.
Keriçniñ 29 yaşındaki sakini Rusiye ve Ukrayina vatandaşlığına saiptir. Oña qarşı cinaiy dava RF Ceza kodeksiniñ 275-inci maddesine istinaden (devlet hainligi) açıldı.
Rusiye tarafı mabüsniñ adını ve soyadını aydınlatmay.
"KrımSOS" aq qoruyıcı teşkilâtınıñ malümatına köre, 2024 senesi eñ azından 56 qırımlı Rusiye akimiyeti tarafından taqip etilgen edi. Cinaiy davalar içün sebepler olaraq Rusiye Federatsiyasında yasaq etilgen teşkilâtlarnen alâqalar, devlet hainligi, casuslıq, açıq beyanatlar, diverssiya teşkil etüv ya da zorbalıqqa çağıruvlar şeklinde qabaatlavlar qullanılğan.
